Longleng, 18 September – Swashth Nari Sashakt Parivaar Abhiyaan 17th September 2025 te nationally Prime Minister Narendra Modi para Dhar, Madhya Pradesh te launch kurishe aru etu campaign 2nd October 2025 tak extend kuri jabo. Nagaland te, District Health Society Longleng bhi nationwide launch programme te participate kurishe aru District Hospital Longleng te health camp organise kurishe. Occasion te Deputy Commissioner Longleng, W. Manpai Phom, NCS, special guest hisap te gracing kuri dishe.
Programme time te, Medical Superintendent DH Longleng, Dr. Lanuakum keynote address di thaka time koishe ki itu nationwide campaign women health aru family well-being transform kuribo karone ase, juntu free medical check-up, immunization, anaemia testing, tuberculosis aru sickle cell anaemia check-up, malaria testing aru women karone special consultation provide kuri ase. Campaign nutritional aru wellness practice, infant aru young child feeding, menstrual hygiene awareness promote kuri thake. Tai aims aru objectives bhi highlight kuri dishe.
Chief guest DC Longleng, W. Manpai Phom, speech time koishe ki etu central ministry para initiate kora Abhiyaan key health indicators improve kuribo karone ase, specially maternal mortality rate reduce kuribole karone. Etu health camp te comprehensive check-up, screening, testing aru immunization provide kuri thakibo, juntu national health survey te identify kora gaps address kuribo aru urban aru rural area te healthcare access improve kuribo karone specialist medical service deploy kuri thake. Tai administration aru line department para support di thakibo buli assure kuri dishe aru community participation bhi request kurishe ki etu campaign successful hobo karone district te.
Programme shuru time te DSRC counsellor DH Longleng, M. Lithei Phom para chair kuri dishe. Invocation Vaccinator DH LLG, Lipom para kuri dishe, aru vote of thanks Dr. Nounenuo Terhase (OBGYN) DH LLG para dishe. Programme health camp District Hospital Longleng te continue kuri ase aru Focused Group Discussion (FGD) bhi hobo, juntu menstrual hygiene, family planning, anaemia, maternal health, child health aru breastfeeding importance upor te thakibo..
Add Comment