July 14, 2025, 05:54 PM: Ek din laga penalty shootout Tournament loishey, Public Ground, Longleng tey, Longleng District Football Association para organize kuri kena, 12th July, 2025 tey, tatey EAC Longleng, C. Tsalimse special guest hisap thaki kena. Tsalimse para tai laga address tey, koishey ki Longleng district laga football landscape toh hoiley challenges khan face kurishey, hoilebi ajikali laga initiative khan para akha thaka laga dikhi asey. Itu District Sports Council Longleng kuntu toh hoiley itu Deputy Commissioner para lead kuri kena, tai para ekta structured framework propose kurishey sports development nimitey, Angami Sports Association phaney model kuri di kena. Itu proposal tey village-level competiton khan thaki kena asey, winner khan area, district, aru potential state level event khan tey agey bari jai thaki kena. Itu notun District Sports Officer ke ekta proposal di kena thakishey ,itu Phom Sports Association recognize kuriboley karney, kuntu toh hoiley bishi lagi thaka laga organization asey, itu district laga sports scene karney. Itu initiative laga success hoboley laga key toh hoiley sob stakeholder khan aru association khan laga collaboration para hey hoboley paribo, tai para inform kurishey. President Phom People Council, Y. B. Angam Phom para ekta kahta message deliver kurishey, itu programme laga homoi tey. Pura puri 27 team khan itu tournament tey part loishey, kotey Muli ward toh hoiley first ulaboley parishey aru Rockey Club Orangkong toh second tey ulaboley parishey. President Longleng District Football Association para welcome address dishey. Youth LTBC laga Associate Pastor Tanhaü para invocation pronounce kurishey aru itu program toh hoiley L. Chuli Phom para chair kurishey.
Longleng District Tey Penalty Shootout Tournament Loishey
Add Comment