June 13, 2024: Divisional Management Unit (DMU) Longleng laka reviw meeting tho Divisional Forest Officer complex deh lui shae, 12th June 2024 din deh. Deputy Ranger cum FMU head, Sitap Range, Bedangmongba Ao aro Range officer cum FMU Head, Longleng, Chepe-U Koza para forestry intervention deh report di shae respectively. Piche deh, alak alak bosti laka Joint Forest Management Committee (JFMC) president para forestry intervention activities aro alak success stories, problems aro issues deh progress kan share kuri shae.
Meeting time deh, JICA laka Self Help Group representatives kan para, taikan laka Income Generation Activities (IGA) deh progress kan tho report kuri shae aro FNGO laka team leader, Sentiyatet para work progress, SGH statues aro training updates deh highlight kuri shae. JFMC Account, GIS aro MIS, success stories aro documentation kan tho DMU Longleng laka Livelihood Expert, Account Assistant, Date Entry Operator aro Documentation Expert para present kuri shae.
Concluding remarks deh, DFO cum DMU Head Longleng, H. Tokugha Chophy para sob participants keh appreciate krui shae aro ghas kan plant kura laka laph tho share kuri shae. Tai para nature laka reward tho expectation laka upor takeh kui shae. Tai para aro department tho hotai manu laka welfare karne taki bo kui shae, hoile b manu kan eki lokot milai nah sincerely kam kuri bo lageh kui shae, khali government funds keh heh depend nakuri nah. (DPRO Longleng)
Add Comment