Longleng, 07 June: Phome Day toh ekta unique peace day ase aro etu toh Phom community para hotai sal 6th June te manai. Phom Day toh dynamic leadership of Lt. Hamnyei & Lt. Yongtau aro alak alak bosti para tusara Phom intellectual leaders khan para 06th June 1952 te suru kora ase. Etu din te, tai khan para headhunting moraideya aro tusara osor bosti te hamla kora rokhabole wada loise. Etu din para head hunting laga zamana kothom kora mark korise aro Phom mathi te notun zamana suru korise.
Phom leader khan Phom Day Pledge Declaration site, Longleng Town te 6th June 2021 te jama korise aro din toh sob COVID-19 SOP te maintain korikena manaishe. Special Guest nemite President, Phom People’s Council (PPC) M.Shami Angh thakise.
Phom Day message te, M.Shami Angh para Phom Day mana toh forefathers para headhunting rokhabole aro growth aro development nemite peace juna junibole thek fesla lowa te manai koise. Tai para be peace powa para aji tak peace aro harmony te thaki ase koise. Tai pra community para society te peace rakhibole koise aro phal kaam koribole aro manu laga welfare nemite kaam koribole nemite. Shami Angh para be society te lead koribole nemite young educated intellectuals khan dedicated aro morom monn logote agae ahibole koise.
Shami Angh para COVID-19 pandemic te lok koribole nemite sob manu khan sob safety COVID-19 Protocols aro SOPs te mani kena eki khara thakibole koise. Tai para be pandemic fight te ektum dukh pai kena kaam kori thaka sob health workers, frontline workers aro manu khan ke dhanyabad aro samaan janaishe.
Add Comment