Longleng te “Birth aro Death laga online registration kora” te District Level Training diya laga 2nd phase tu 4th February 2025 te District Economics & Statistics Office, Longleng laga Conference hall te kurisey. Alag alag registration units laga registrar khan para etu training attend kurisey.
District Economics & Statistics Officer Longleng, Nyushotho Nyuthe para DES Kohima laga Resource person ke tailaga kimti time diya nimitey dhanyabad disey.
Tai para registrar khan ke bi taikhan laga regular duty thaka laga bawajut alag alag busti/town khan para ahidiya nimitey dhanyabad disey.
Ekta introductory note te, DESO para koisey ki RBD Act, 1969 tu ekta kanoon asey kuntu para state bhitor te sob jonom huwa aro mora laga registration kuribole compulsory kurikina asey. Taki pura India te record bhal para rakhibo paribo aro manu khan laga number collect kuribo paribo. Aro etu kanoon tu Nagaland te bi lagu hoi. Birth aro death laga registrar ekta hoikina taikhan ke taikhan laga jaga bhitor te jonom huwa aro manu mora laga register kurikina homoi homoitey sahi data(jankari) dithakibole laga zimidari uthabole koisey. Tai para etu hope bi jataisey ki etu training pa picheyte sob registrar khan taikhan laga duty bisi bhal para kuribo.
Etu training tu DES Kohima para ESO, Nzanbemo Kithan para disey. Etu training program tu IOS, Amos Phom para cholaisey.
Add Comment