May 4th 2019 te Pre-monsoon Preparedness lobole thaka nimete government officers, NGOs aro Civil Societies khan miliekena meeting loishe .Etu meeting toh DC’s conference hall, Longleng 3rd of May mass social work nimete ki ki kaam bhaakh kurishe etu khan uporte kotha khan kurishe .
Etu meeting toh EAC Yachem, Pichano Kikon para loishe.Tai para etia thaka sob member khan ke welcome kurikena dhandyaabad kurishe aha nimete .Etu state kile mass social work lobole ase kuwa time te tai para members khan ke mondikena etu mass social work toh bhal para lobole nimete modot kuribi aro Longleng ke sapha kuridibi koikena janaishe .Pichano para nijor nijor wards laga officer incharge laga naam khan olaishe aro etu performance toh best performing ward laga selection nimete count kuribole ase koikena janaishe.Tai para arobi district offices khan laga heads ke staff khan laga attendance sheets noksa logote etu bi mass social work khotom huwa pichede district administration khan ke dibi koikena janaise.
Phom Students Conference laga president bi Swachh Bharat Mission aro dusra projects kenaga phal kuribo lagi etu laga kotha korishe aro tai para be “Clean Longleng Mission” phal kuribo nemide koishe .Tai para sob government officers aro department khan ke akhe ahikena Longlenh ke bishi bhal jaka bonaidibi koikena janaishe .Etu social work toh 6 am para shuru kuribole ase .
Add Comment