Longleng, 26 July: District administration aro Mahila Shakti Kendra, Longleng para etka felicitation program loise. Etu toh etu par HSLC & HSSLC examinations, 2021 laga results ola te meritorious maike students nemite loise. Program toh “Beti Bachao Beti Padhao” under te 24th July 2021 te DC laga conference hall, Longleng te loise.
Deputy Commissioner Longleng, M.Shayung Phom para short speech te student khan dukh kaam koribole aro jevaan te ambition thakibole koise. Tai para maike chokari te education debole kaam howa opor te koise aro meritorious students laga kamiyab karni techers para motob nemite appreciate korise.
Education Secretary PSC, Longleng, Purtoshi para congratulate korise aro students ke tai khan laga bright future nemite wish korise. Keynote address toh SDO (C) Longleng, Trongdiba Sangtam para deshe aro tai para BBBP programme opor te koise.
Sob melikena 34 meritorious maike students Longleng District para cash prize aro meritorious certificate paise. Program te WWO MSK Longleng, Phungla Phom para chaired thakise.
Add Comment