LONGLENG,SEPTEMBER 08,2019: Sangtam Union, Longleng khan 5th September 2019 DC Longleng, John Tsulise Sangtam laga ghor te Mongmong festival manishe.
Tai laga welcome address te DC para etu te aha manu khan ke welcome kurikena dhandyaabad koishe etu MongMong festival te aha nimete aro etu eki time te Sangtam community Longleng ke modot kura nimete khushi janaishe.
Thsingvi T. Sangtam, Assistant Professor, Yingli College para etu festival laga significance uporte kotha kurishe .Tai para sangtam laga origin laga theory uporte kotha kurishe aro alag alag traditional games aro sports khan mota aro maiki khan para khela six-day celebration te aro etu uporte dusrta festivals khan bi sangtam khan manaishe. Thsingvi koishe Mongmong festival toh harvest bhal hobole nimete luwa ase .Tai aro koishe etu festival laga khobor toh priest khan para deh rati te spirit of dead living para hatijabole nimete aro etu festival toh ekta symbol ase dukh kaam kura khotom kuribole nimete aro nutun harvest shuru kuribole nimete .Etu din te Sangtam community khan para isor ke dhandyaabad koi aro tai khan bhal para buwa nimete dhandyaabad koise.
Akhaba, General Manager, DIC, Longleng para kotha kurikena manu khan ke khushi janaishe.Lilongla para invocation dishe aro etu programme toh Mass prayer loikena khotom kurishe. Robi Sangtam, EAC, Longleng para etu programme loishe .
Add Comment