Longleng laga Deputy Commissioner’s Office te 19 February 2025 te PM Vishwakarma Awareness aro Onboarding Session conduct kurisey. Etu program te alag alag busti aro Urban Local Bodies (ULBs) para 1000 maan manu participate kurisey.
Etu program tu Deputy Commissioner, Longleng, W. Manpai Phom para ekta welcome speech dikina suru hoisey. Tai para purana technique cholaikina haat para saman khan bana manu laga hosla bara te PM Vishwakarma Yojana laga importance te jor disey. District Industries Centre (DIC) laga General Manager para etu scheme ke khata para highlight kurisey. Etu picheyte KM. Lohe Lokajiia Victoria, Project Consultant, PMU para etu scheme laga lamba aro detail te presentation disey.
Etu session para PM Vishwakarma scheme laga objective, benefits aro implementation process laga bari te bisi bhal para bujaidikina, artisans(haath para saman bana manu) aro chutu business chola manu khan ke etu scheme laga alag alag subidha laga faida uthabole encourage kurisey. Etu event te participants khan bisi josh dikhaikina shamil hoisey.
Government of India para launch kora, etu PM Vishwakarma Scheme laga aim tu purana tarika cholaikina haath para saman bana manu khan ke poisa laga modod dikina, taikhan laga skill develop kurikina aro market logotey link kuridiya laga moka dikina taikhan ke agey loijabole laga asey.
Add Comment