Longleng, 08 December: Gender based Violence kelaaf 16 din laga activism te, ekta walk against violence toh Longleng town te District Administration aro Mahila Shakti Kendra – District Level Centre for Women para Phomla Hoichem (Phom apex women body) logote melikena 7th December 2021 te loise.
President Phomla Hoichem, Chuimei Phom para enaka program toh lobole koise kelay koile society te maike aro maike bacha khan kelaaf violence laga ke form te hoilebe kelaaf ami khan laga support, strength aro ami khan laga stand toh dekhabo platform debole nemite.
Program laga significance te brief introduction toh Women Pastor, Longleng Town Baptist Church, Niamla Phom para deya thakise. Walk toh Lempong para suru hoise aro Aboi junction te kothom korise. Maike khan alak alak Churches, ward presidents, alak alak organization para youth representatives aro district administration te SDO civil, Longleng para headed walk te hisha lowa thakise.
Add Comment