California, 19 February : 2017 Reading High School grad Lonnie Walker NBA te wapas ahi ase.
Tai Philadelphia 76ers laga logote duita saal laga contract sign kuri dise.
Preseason te Boston Celtics pora release huar piche te, Lonnie Walker overseas jai kena Lithuania te Euroleague te khelise. Hoilebi, itia tai ghar wapas ahi ase.
Tai laga agent George Langberg laga hisab te, Lonnie Sixers logote duita saal laga $3 million contract sign kuri dise.
Itu tai laga NBA te 7th season hobo.
Tai 2018 te Spurs pora first-round draft pick hisab te select huaishe, aru last season Nets logote thakishe.
Sports department laga stats hisab te, Brooklyn logote 58 games khelite, tai 9.7 points, 2.2 rebounds, aru 1.3 assists per game average kuri dise, aru shooting percentage 42.3% from the field aru 38.4% from beyond the arc ase.
Tai laga 322 career NBA games te, tai prai 3200 points score kuri dise, aru average 9.8 points per game ase.
Jitia Celtics pora release kuri dise, Lonnie tai laga Instagram post te likhi dise, “Will always bet on myself- no risk – no story”.
Aru itia, nija ekta notun story laga shuru Tai laga nijor jagah te hobo.
Add Comment