Lord Jagannath Temple May 15 dak bondh

Puri: Odisha te COVID-19 cases besi othi-thaka nemite, Saturday din te Shree Jagannath Temple Administration (SJTA) para 12th century laga Mandir te manuh khan ke May 15 daik dak pithor te jaboli mana korishe. Hoilebi, Lord Balabhadra, Devi Subhadra, aro Lord Jagannath nemite hotai din rituals toh servitors aro temple officials laga motob te jai thakibo, koikena SJTA chief administrator Krishan Kumar para meeting samai janaishe. Etu fesla toh representatives of temple servitors, Puri district collector aro senior police officials, aro dosura stakeholders pihtor te fesla loishe. Fesla kora pithor te traditions hesab te chariots bonai thaka toh jai thakibo. Chandan (sandalwood) Yatra, Snan (bathing) Yatra, aro Ratha Yatra thaka samai SJTA para masks aro sanitisers thiboli koishe. Hotai saal laga Ratha Yatra toh etu saal July 12 darik te ase. Etu samai, servitors aro temple officials laga families khan ke hotai regular screening aro testing loboli nemite be fesla loishe. Ratha Yatra laga rituals toh Akashya Tritiya (May 15) darik para soruh koribo. Neelachal Yatri Niwas te COVID-19 Care Centre toh lakile bonabo koishe. Temple laga administrator (development) toh Nodal Officer neshina kam koribo, koikena officials para janaishe. Meeting te aro kotha kowa toh awareness programme thakina face masks, sanitisation aro hand washing aro social distancing maniboli fesla loishe. Temple toh ek paar nemite December 23, 2020 te kulikena aro 9 moina nemite bondh korishe. Devotees khan ke shrine pithor te jaboli January 3 darik te kuli dishe aro dosura state laga pilgrims logot temple pithor te naja akhe RT-PCR negative reports thikaboli laki koishe. SJTA para  koishe ke, aro May 6 darik te halat saikena neum toh putli koribo.