Los Angeles, 16 July : Los Angeles Olympics 2028 te cricket tournament July 12 pora shuru hobo, aru medal matches July 20 aru July 29 te rakhishey. ESPNCricinfo laga report hesaap te, matches hobo ekta temporary purpose-built stadium — Fairgrounds Stadium — te, jun Pomona te construct kora jabo, LA pora karib 50 kilometre dur te ase.
Men’s aru women’s cricket te 6 team
participate koribo, aru total 180 players Olympic cricket tournament te khelibo, jun 1900 pora etiya first time Olympics te cricket include korise — T20 format te. Each team 15 member laga squad announce koribo pare.
Most matches double-header format te hobo, mane ek din te duta match, aru July 14 aru July 21 te kunu match schedule kora nai. Matches local time 9.00am aru 6.30pm te start hobo, medal matches te bhi same timing follow kori jabo.
Fairgrounds Stadium, jun official naam te “Fairplex” buli jana jaay, etu ekta karib 500-acre bisi dangor complex ase, jikhon 1922 pora LA County Fair host kori aahi ase, aru concerts, trade shows, sports aru cultural events karone regular venue bhi ase.
Add Comment