April 20, 2021. India te COVID-19 cases besi beya para jai thaka nemite, Uttar Pradesh Government para Lucknow, Varanasi aro state laga tinta(3) cities te lockdown janai thishe. Lockdown toh Uttar Pradesh te 5 cities oper te janaishe, India te sobse manuh besi thaka jaga ase. Lockdown toh Uttar Pradesh cities neshina- Prayagraj (Allahabad), Varanasi, Kanpur, Gorakhpur te aji rati para soruh hoikena April 26 darik dak thakibo. Essential services neshina grocery stores aro pharmacies ekla kulibo. Dosura khobor te, 5 cities te sob religious kam aro dosura kam toh lockdown thaka samai bondh thakibo. Shopping complexes aro malls toh Uttar Pradesh laga etu 5 cities te lockdown samai bondh koribo. Institutions neshina educational institutions aro dosura institutions oper te government, semi government aro private te be bondh thakibo. India pithor te Uttar Pradesh te Covid-19 second wave bemari para besi beya jai ase aro India 2nd beya state hoikena ase. Monday din te Delhi Government para National Capital te 6 din nemite lockdown junai thishe. Delhi Chief Minister Arvind Kejriwal para etu khobor toh National Capital te Monday din te junaishe. Delhi te “strict lockdown” toh April 19 darik 10 pm para soruh hoishe aro April 26 darik 5am dak thakibo. Monday din India te notun 2,73,810 COVID-19 positive cases registered hoishe aro 1,619 notun COVID-19 para mora khobor paishe. “10 states pithor te Maharashtra, Uttar Pradesh, Delhi, Karnataka, Kerala, Chhattisgarh, Madhya Pradesh, Tamil Nadu, Gujarat aro Rajasthan te notun cases rate toh 78.58% ase,” koikena Union health ministry para statement te janaishe.
Add Comment