Agencies, 31 August: Lyon para tai khan laga European dominance toh Wolfsburg ke 2-1 para jetikena fifth straight women’s Champions League title jetishe Sunday din te.
Eugénie Le Sommer, Saki Kumagai aro Sara Bjork Gunnarsdóttir para Lyon nemide score korise. Etu nemide tai khan seventh Champions League trophy othaishe.
Wolfsburg toh 2013 aro 2014 sal te par-par jeta bechide third title nemide kosish kori thakise.
Wolfsburg be 2016 aro 2018 sal te Lyon logod efinal te hara thakise.
Le Sommer para suru goal toh 25th minute te deya thakise. Etu bechide halftime nahowa agae te Kumagai para goal dekena lead korideya thakise.
Gunnarsdottir para kamiyaab toh 88th minute te loise. Etu agae te Popp para Wolfsburg nemide 58th te goal deya thakise.
Tuita club majode etu toh fourth final thakise aro last five sal te tai khan laga third thakise. Wolfsburg laga khali ekta jet Lyon logode 2013 sal te thakise.
Final-eight mini tournament laga semifinals fans nathakikena northern Spain te khela te Lyon para PSG ke jetishe aro Wolfsburg para Barcelona ke jetishe.
Add Comment