M Chang Tuensang te

TUENSANG, SEPTEMBER 22 : Minister Forest, Environment and Climate Change, CM Chang pora Tuensang town te 21st September 2018 te Ranger office bonabole laga foundation stone khuli dishe .Etu occasion time te kotha kuwa time tw tai pora DFO te kaam kura manu khan ke dhandhyaabad koishe Tuensang laga manu khan nimete bhal kaam kura nimete .Tai aro Koishe Nagaland khan JICA (Japan International Co-operation Agency) pora 533 crore paishe office khan bonabole nimere aro schemes khan chulabole nimete Nagaland te .Tai aro koishe etu funds khan toh manu khan laga bhal nimete chulabole ase office basic infrastructure thik thak pora chulabole nimete aro DFO staff khan ke koishe thik pora kaaam kuribi koikena  manu khan laga bhal nimete. MLA Kejong Chang pora speech diya time te Forest department khan ke ghass lagabi foresrt te etu pora  paani khan sapha kuribo aro soil erosion bi rukhaidibo.Department khan etu ghass khan kati diya toh sabole lagibo. Y.M Jami IFS Conservator of Forest, Mokokchung pora welcome address dishe aro L. Tsingthrise Sangtam, FRO Tuensang. Pora vote of thanks dishe .Etu programme toh  Dr. C. Zupeni Tsanglai IFS, DFO Tuensang pora loishe .Etu programme te  Minister logote Advisor for IPR, SCERT and Village Guards, Toshi Wungtung, MLA Muthingnyuba Sangtam, MLA Kejong Chang, MLA Toyang Chang, DC Tuensang aro SP Tuensang ahise.