Regional

Maal gari laga train patri ba olaija karney Tripura chinta

May 7, 2024

AssamAssam laga Dima Hasao district deh maal gari laga train patri ba olaijaishey aro etu karney Tripura government huishey chinta. North East Frontier Railway (NRF) ba “din olop lubo” koishey bonaboley.

Maal gari laga train Tripura deh punjiwoley thaka toh bhangina ase rail karney, April 26 deh etu incident huishey, Assam laga Jatinga area deh patri ba train olaija karney. Etu incident karney northeastern state kan deh goods kan laga shortage hoi ase.

Etu situation ke solve kuriwoley laga attempt deh Tripura government ha restriction kan impose kurina ase, stock nimey deh fuel kuriboley ban ase fuel komti hoi ja karney.

“Maal gari laga service kan itya bi restore hwanai NRF laga effort kan eman kurina bi. Moikan ba etu issue toh highest level deh lubo.” Tripura Transport Secretary UK Chakma ba PTI ke koishey.

NRF ba khoishey ki May 7 tak deh toh service kan restore hoijabo  hoilibi NRF ba deadline dina service kan toh restore kuribo paranai aro extra teen din aro lagibo koi ase.

NPR CPRO Sabyasachi Dey ba koishey, “300 worker laga opor kaam kura manu kan etu restoration laga kaam deh Jatinga deh lagina ase. Passenger train laga service kan deh eku diktari nai hoilibi maal gari laga train service kan toh affect huishey, April 26 deh maal gari laga train patri ba olajai karney. Moikan ba etu maamla toh joldi solve kuriboley try kuri ase.”

Dhan kheti laga maal gari supply etu train patri ba ola ja karney maal gari laga service kan ke affect kurina ase. Tripura Additional Secretary for Food and Civil Supplies, Nirmal Adhikari ba Monday deh meeting ekta rakhishey, Tripura Merchant Association (TMA) aro Tripura Wholesale Grocery Merchants’ Association (TMGWMA) logot deh, etu situation toh thik ba review kuriboley.

Ekta official ba koishey” Panic kuriboley eku need nai, food stock ek maina karney ase state deh. Meeting ba aim kurishey etu situation toh review kuriboley. Moikan ba merchant kan ke request kurishey kaam laga saman kan aro foodgrains kan supply by road ba hoilibi kurithaikibi, train service kan thik noha taak.