Sports

Macau Open: Lakshya Sen quarters te agey jaishey

7 months ago

New Delhi, 1 August : India laga performance Thursday din te Macau Open te mixed thaki ase. Commonwealth Games gold medalist Lakshya Sen men’s singles quarterfinal te pounchise, kintu dosra player Ayush Shetty Round of 16 te harise BWF World Series Super 300 event te, juntu Macau te cholise.

Second seed Lakshya Sen Indonesia laga Chico Aura Dwi Wardoyo logot intense 67-minute match te khelise aru dangor struggle uporot 21-14, 14-21, 21-17 te jeetise. 23-year-old Lakshya laga resilience aru court control bhal dikhai dise, aru etiya semifinals te jabo nimite Indonesia laga Yohanes Saut Marcellyno aru China laga Zhu Xuan Chen majot juntu jeetibo, tai logot quarterfinal match khelibo.

Kintu Ayush Shetty nimite disappoint thakise. Tai seventh seed thaka bhi Malaysia laga Justin Hoh logot straight-set te 21-18, 21-16 harise. Ayush pura match te rhythm pabo parile nai.

Dusra ekta dangor surprise to Tharun Mannepalli pora ahi ase, juntu top seed aru World No. 15 Hong Kong laga Lee Cheuk Yiu ke three-game thriller te haraise. First game 19-21 harar pisot, Tharun 21-14, 22-20 te back ase aru match jeetise, juntu ek ghonta te besi time loise.

Tharun, juntu World No. 47 ase, etu saal laga dusra Super 300 quarterfinal reach korise. February te German Open te bhi tai quarterfinal te poise. Etia next round te tai China laga World No. 87 Hu Zhe An logot khelibo.

Mixed doubles te, India laga fifth-seeded pair Dhruv Kapila aru Tanisha Crasto Malaysia laga Jimmy Wong aru Lai Pei Jing logot first game jeetile bhi porer duta game te haar khaise.

Women’s singles te, young player Rakshitha Sree Santhosh Ramraj second seed Thailand laga Busanan Ongbamrungphan logot tight match khelise. Tai ekdom fight dise, kintu three-game match te haribo lagise.

Later din te, men’s doubles stars Satwiksairaj Rankireddy aru Chirag Shetty, juntu second seed ase, Japan laga Kakeru Kumagai aru Hiroki Nishi logot khelibo. Women’s doubles te, Priya Konjengbam aru Shruti Mishra Indonesia laga eighth-seeded duo Meilysa Puspitasari aru Rachel Rose logot match khelibo.