New Delhi, November 18 – Maddock Films etiya announce kori ase ki taikhan horror-comedy universe-toh bisih bara koribo karone sat-ta nutun film bonabo. Stree, Bhediya aru Munjya nishena hit film banai thaka production house-toh etiya Indian folklore, humour aru supernatural story-te based ekta bara franchise toh bonabo paribo buli biswas kori ase.
Producer Dinesh Vijan koishe ki Maddock Films etiya fast-fast sequel napai, kintu bhal character development, world-building aru audience logote connect hobole paribo etu sob dhori loi ekta strong universe banabo upor te dhyan dishe.Etu hisap-te, universe-toh “slow aru steady” bhabi build koribo lagibo, jate bhal story banai kina ageta jabo.
Upcoming project-bilak-te Thama, Bhediya 2, aru Stree 3 include ase, aru etu-bilak nutun supernatural character aru nutun kahani logote connect hoi jabo. Maddock etiya completely nutun monster, spirit aru entity-bilak introduce koribo bhi plan kori ase.
Vijan etiya film making-te VFX aru AI technology aru dangor role thakibo buli mention kori ase. Taike hisap-te, eitu-bilak technology use korile supernatural world-toh bishi realistic hoijabo, aru budget bhi control-te thakibo. Maddock Films OTT, theatre aru mobile platform-te bhi equal importance dibo, jate sob jagate audience pabole.
Satta film kaamote thaka karone, Maddock Films India-te horror-comedy genre-tu nutun level-te loi jabo bole expected ase.
Add Comment