Madhya Pradesh Minister para notun Traffic Penalties toh Tughlaqi Order ase koise

Bhopal, 12 September: Thursday deh Madhya Pradesh minister para Motor Vehicles Act toh “Tughlaqi” order ase koise.

Madhya Pradesh Transport Minister Govind Singh Rajput para news agency ANI ke koise, “Union government’s Motor Vehicle Act toh ‘Tughlaqi’ order ase. Besi phak fines toh common manu khan debole pariya para be besi ase. Ami Madhya Pradesh laga manu khan ke bhari fines para dukh debole mon nai. Ami etu opor deh  Chief Minister Kamal Nath logode kotha kuribo”.

Tai koise, “Central government toh arrogant ase. Etu para aji kali ”Tughlaqi” orders deshe. Tai khan laga besi phak fesla toh arrogance deh dekhi.

Mr Rajput koise, ami manishe bhari fine toh fesha khai kena gari jola khan ke lobole. Government para act laga konbah parts deh namibo laki. Etu nemide ami para state deh etu act toh suru kora nai. Ami khan Chief Minister logode kotha kora bechide etu act toh joldi suru kuribo.

Tai koise, “Ami khan para sob destrict collectors ke state laga halat opor deh stock lobole koise. Ami khan laga flood disaster management centres toh function kori ase. Ami khan etu etu centres laga officials ke touch ase.