BHOPAL, OCTOBER 1 : Madhya Pradesh Sorkar pora Notun District “Niwari” koi kena ulaidese. Etubi tai kan State majut laga tehi. Etu ke Chief Minister Shivraj Chouhan aro Union Minister Uma Bharti 2 jun ahe kena etu notun District laga Offices kan kholidese. Etubi District Collector aro Superintendent Police laga Offices kan Sunday din te koi kena, Public Relation Department Official pora Monday din janaise.
Etu 2 jun porabi etu notun District Niwari laga ahke Collector nemite Akshay Singh aro SP nemite Mukesh Shrivastava 2 jun ke etu Notun District kholidiya din te banaidese aro anedese koise.
Etu notun District Niwari toh Tikamgarh District pora bhak hua laga ase. Aro etu notun District bitorte Niwadi, Prithvipur aro Orccha kan sub-division nemite banaide kena ase koi kena Official pora janaise. Aro etu notun District ulaidiya pora edia toh Madhya Pradesh te 52 districts huijua huise kosie.
Add Comment