Stavenger, 5 February : Norway Chess tournament, juntu May 26 pra Stavanger, Norway te shuru hobo, laga lineup confirm hoise. Magnus Carlsen aru current FIDE world champion Gukesh D bhi 13th edition laga six-man event te part lobo, aru itu summer te khelibo.
Itu double round-robin style laga tournament hobo, aru itu Norway Chess hobo first time jabole five-time world champion Carlsen aru Gukesh classical chess te ekjon ke ekjon face kuri khelibo, since Gukesh laga Singapore te crowning victory pichite.
Gukesh, chess laga history te youngest world champion bonise, juntu Ding Liren (China) ke decisive game 14 te haraikina title loi dise. Recent months te, Gukesh rankings te bishi uthi aru nijor future laga ekta prominent chess face hobo koi thaikise. Kintu, itu tournament Gukesh karone ekta dangor test hobo, karone Carlsen kintu abhi bhi world laga best chess player hisab te consider kuri thaikise. Carlsen recent te classical chess events pra pichhe ghusi dise, aru 2024 te sirf 18 games classical chess khelise, juntu career te sabse kom hoi, aru faster time controls aru Freestyle Chess initiative uporte focus kuri thaikise, juntu chess laga governing body logot conflict ulai dise.
Gukesh aru Carlsen laga alawa, Stavanger te tournament karone anek big-name players bhi khelibo, juntu te American grandmasters Fabiano Caruana aru Hikaru Nakamura, aru Gukesh laga Indian compatriot Arjun Erigaisi bhi ase. Wei Yi (China) itu list pura complete kuri dise.
Recent te, Gukesh prestigious Tata Steel Chess tournament, juntu annually Netherlands te hoi, te runner-up hoise. Final stage te pounchikina Gukesh nijor young compatriot Praggnanandha logot haraikina tournament complete kuri dise.
Tata Steel tournament te Gukesh briefly classical chess rankings te number three te uthi kintu tournament khotom hobo time te number five te giri dise. Gukesh 2025 te rankings aro uthane laga aim rakhi ase, aru 2026 te nijor world championship defend kuri bole focus rakhibo.
Add Comment