Jaa par Carlsen ke harai tia toh ekta khiladi kun 2520 laga niche rate thakishey, Norwegian Championship 2006 dey thakishey kutey tai Berge Ostenstad ke harishey kun 2480 rate thakishey.
“Aji laga khel dey mui pura puri harishey. Itu mui laga opponent ke eku cheez karoney aarop kuriboley nahoi, kun bishi bhaal khel khikishey aro jitiqokeu haq asey, huilewi hosa bhi, mui para mui laga opponent ghari lagai thakia dikhia logot, mui laga concentration hari jaishey ,” Carlsen para X dey likhishey, kuntu agey dey Twitter thakishey.
“Mui itu sob thik para phabna kuribi naparia karoney mui responsibility lui asey, huilewi bishi alchi asey sawoley ki organisers para itia tak anti-cheating ke serious para nalui (eku transmission delay nai, saa manu khan khel laga hall dey smartphone logot pirai asey),” tai halishey tweet dey.
“Mui para ekta arbiter ke hudishey khel juli thakia homoi juti ghari toh allowed asey na nai, aro tai para janai dishey ki smartwatches toh bandh asey, huilewi analog ghari toh julawonparey. Itu toh FIDE rules laga khilaf thakia nishina asey itu stature nishina events karoney,” itu Norwegian para kuishey alag ekta post dey.
Din deri dey, Carlsen para top chess khiladi maju dey ekta Hikaru Nakamura ke slam kurishey ekta video karoney kuntu itu American para YouTube dey halishey.
“Seetha kuwo, mui aji laga khel karoney mui laga opponent dey cheating kuria laga aarop kuria nahoi. Clicks pawoley mui laga naam julai thakia toh eku nahoi, huilewi itu toh thik nai. Aro bhaal kuribi” Carlsen para itu video laga ekta screengrab logor tweet kurishey kutey header thakishey “Magnus HARISHEY aro Aarop kuri asey!?!?!?”
Nakamura para video laga header toh podli kurishey, huilewi tweet kurishey: “Kom se kom muikhan laga youtube recaps toh World #1 para sawoley tak bhaal asey kuina jaaney.”
Add Comment