Germany, 17 February : Norway laga Magnus Carlsen Sunday din nijor collection te aru ekta crown add korisey, Germany te Fabiano Caruana ke comeback jeet loi haraise, agey official FIDE Freestyle Chess world champion hoina uthise. Tai chautha aru final game te ekta cautious draw loi title secure korisey, Weissenhaus te 33 saal laga American opponent Caruana ke 2.5–1.5 match score te haraisey.
Sunday laga turning point hoise thrilling tisra game te, kutey 35 saal laga Carlsen ekta almost haaribo laga position pora stunning jeet loi ahise, aru pura contest nijor favour te ghurai dise. World number one ke decisive chautha game te khali draw lage ase, aru tai ekta equal endgame te itu paisey, kutey Caruana late stage te comeback koribo laga mouka miss korisey.
Carlsen etiya loina total 21 world title jitisey. Itu World Championship tu FIDE aru private organiser Freestyle Chess laga majot ekta breakthrough collaboration mark korise, kutey itu format te prothom officially recognised world title stage korise.
Add Comment