Maha Kumbh pani toh gosul nimite chulabo pareh, nutun CPCB report pra koishey

Delhi, 9 March 2025: Central Pollution Control Board kan pra taikhan laka nutun report te koishey ki pani quality toh Maha Kumbh te recently kura toh gosul nimite thik ase. Etu ahi shey board khan pra pani toh Prayagraj te kisim kisim jaka te Kumbh time te thaka toh unfit thaki shey gosul kuribo leh high faecal bacteria levels karne. Nutun report te February 28 laka, pollution control board khan pra koishey ekta statistical analysis toh lagi ase data te inconsistencies karne, kileh maneh pani samples same jaka pra utha alak alak din te- aro alak jaka khan pra pra same din te- bishi alak thaki shey. Etu nimite, findings toh  overall pani quality toh thik pra represent kura nai pura pani te. Report pra koishey, bishi alak variability ase values toh alak alak parameters te, viz pH, dissolved oxygen (DO), biochemical oxygen demand (BOD) aro fecal coliform count (FC) samples karne same jaka pra pra alak din te.