National

Maharashtra deh 3 din nemide BJP government thaga kerishe

November 26, 2019
23 Views

Mumbai, 26 November: Maharashtra deh tin-din nemide BJP government thaga toh kurishe. Kelay koile floor test agae deh deputy chif minister howah nemide. Supreme Court para BJP ke floor test nemide order deya thakise.

Chief Minister Devendra Fadnavis be eku option nathakikena resign hoise. Etu agae Saturday morning tai toh Maharashtra laga Chief Minister nemide wada kora thakise.

Fadnavis koise, “Ajit para ami ke koise tai toh personal karan nemide agae jabole naparibo. Ami para ami laga resignation be debo”.

Fadnavis koise, “Maharashtra manu khan mahayuti nemide vote korae. BJP ke mandate paise state rule kuribole nemide. Ami khan ketiya be Shiv Sena CM’s post nemide wada nakorae. Sena para kotha kowah suru kora toh numbers dekha bechide ase”.

Fadnavis koise, BJP toh Opposition nemide thakikena manu laga awas hobo.

Din time deh Supreme Court toh Shiv Sena, Congress aro NCP laga pleas ke hona thakise. Plea ke honikena SC koise, Devendra Fadnavis para Assembly floor deh Wednesday 5 pm para majority prove kuribo lakibo.

SC para Fadnavis ke majority prove kuribo nemide televised test kuribole koise. Etu deh secret ballot najolabo. Judi floor test deri hoise koile horse-trading laga chance toh ase.

Friday rati Sena-Congress-NCP government nemide lead kuribole Shiv Sena’s Uddhav Thackeray ke juna bechide Ajit Pawar para BJP government nemide support kora thakise. Tai para be party laga sob 54 MLAs toh ase kowah thakise. Tai aro Fadnavis para Saturday morning wada kora thakise.

Top court para Fadnavis aro Ajit para majority prove kuribo lakibo koikena janaideya bechide Tuesday afternoon Prime Minister Narendra Modi toh Union Home Minister Amit Shah ke lok kora thakise. Bhabona hisaab deh tai khan para Fadnavis ke resign hobole kowah thakise parae.

Monday morning NCP, Shiv Sena aro Congress para 162 MLAs laga signed kora letter toh  Governor Bhagat Singh Koshyari ke deya thakise.

Monday saam MLAs laga grand assembly deh Shiv Sena-NCP-Congress MLAs para wada kora toh, “Sharad Pawar, Uddhav Thackeray aro Sonia Gandhi laga leadership pithor deh party ke honest thakibole wada kora thakise. Kebah-kebi chese para hoilebi corrupt nahobole aro BJP ke eku laab nadibole wada kora thakise.

Shiv Sena chief Uddhav Thackeray para BJP ke rasta bonabole koise. Etu toh Sena-NCP- Congress alliance para Maharashtra deh rule kuribole nemide thakise.

Monday saam Shiv Sena’s Uddhav Thackeray koise, “Ami khan laga fight toh power nemide he nahoi, ami khan laga fight toh ‘Satyamev Jayate’ nemide ase. Apuni khan keman ami khan ke bhangkabole kuribo ami khan eman ekta hobo”.