Maharashtra dey Voting din, Polling Station dey mota 3 EVMs jui julai dishey

Solapur, 7 May : Ektq shocker dey, ekta mota para Tuesday din dey Madha Lok Sabha constituency laga Maharashtra laga Bagalwadi bosti dey ekta polling station dey kom se kom three electronic voting machines dey petrol halina jui hali dishey. Officials laga hisab dey, 1 p.m. nishna phaney, itu mota polling station pitor dey petrol laga ekta bottle logot ghusishey, tatet kom se kom three EVMs dey petrol halina jui julai dishey, tatey alag voters ke asorit kuri dishey aro on-duty election officials ke bhi. Tai toh reports hisab dey ‘Jai Maratha’, ‘Ek Maratha, Lakh Maratha’, etc nishna slogans chilai thakishey, aro julti pulai jaishey, huilewi polling booth laga bahar dey deploy kuria police security para dhuri luishey. Simultaneously, kunwa election officials julti paani anina itu juli thakia equipment upar dey hali diahey, huilewi kom se kom three EVMs toh chulawoley naparia huishey, kitia itu ghatna laga videos bhi social media dey viral huishey. Itu election process toh ekbar karney rukhai dishey kuntu piche dey booth officials para julina thakia EVMs laga podli aniwo parishey, aro voting wapis shuru kurishey, ekta official kuishey. Police para itu mota ke arrest kurishey aro taike agey investigations karney lui jaishey, aro itu act laga motive toh ascertain kuriboley parianai. Meanwhile, police security toh Bagalwadi polling station laga bahar dey tightened kuri dishey aro agey voting eku problems nathakina jaishey.