Maharashtra: July-August te Covid 3rd wave ahibo

Mumbai: Maharashtra te July-August moina te aro third wave ahibo neshina ase koikena, Thursday din health minister Rajesh Tope para janaishe. Etu bapana kotha toh Mr Tope para kowa toh India pithor te Maharashtra toh sobse beya bemari jai thaka nemite ase aro itya dak 66,159 notun coronavirus cases ase aro 771 manuh morikena ase. Mumbai te reporters khan logot kotha kora samai, epidemiologists hesab te Maharashtra te aro July-August moina te 3^rd wave ahibo neshina ase koishe. Khobor para koishe, May moina te COVID-19 cases toh oper te pongchibo. Jodi July aro August moina te 3^rd wave toh ahile administration oper te tangor dukh thakibo, tai koishe. Etu kotha toh tai para Chief Minister Uddhav Thackeray lgot meeting thaka beche kowa ase aro meeting samai COVID-19 management aro vaccination nemite fesla korishe. Etu virtual meeting te District collectors aro divisional commissioners be samil thakishe. Kotha kora samai, chief minister para 125 PSA (pressure swing adsorption (PSA) plants (medical oxygen) jolti bonaikena COVID-19 bemari manuh logot elaj koribo,” koikena Mr Tope para koishe.  District collectors khan logot koishe ke, government para jodi oxygen komti ase khobor honile beya hobo, koikena health ministry para janaishe. Itya Maharashtra te oxygen supply toh 10,000 to 15,000 vials para komti hoikena ase etu nemite COVID-19 bemari manuh logot elaj koriboli dukh te ase. Oxygen komti thakilebi, doctors khan ke bhal para jolaboli janaishe. Mr Tope para koishe, jodi business houses aro corporate khan para COVID-19 nemite facilities bonaile, Chief Minister para etu laga poisa toh CSR expenditure te thaki thibo koishe. Districts neshina Hingoli, Jalna, Parbhani, Osmanabad, Ratnagiri, Sindhudurg, Washim aro Gadchiroli te COVID-19 manuh aro dosura health issue thaka khan ke tele- medicine services thibo, Mr Topse para koishe. Maharashtra te itya dak 45,39,553 coronavirus cases ase aro 67,985 manuh morikena ase aro etu samai May 15 daik dak lockdown ase koishe.