Maharashtra Landslides te 73 bodies paishe aro 47 napaina ase

New Delhi: Sunday din Maharashtra te National Disaster Response Force (NDRF) para janaishe ke, coastal jaga te paani besi kera te 73 bodies othaishe aro etu oper te 47 manuh harikena ase koishe. Federal force laag Director General (DG), S N Pradhan par koishe ke, sobse notun khobor hesab te State laga Raigad, Ratnagiri aro Satara districts te operations kam soruh hoikena jai ase koishe. Data hesab te koishe ke, NDRF rescuers para 73 bodies pithor te sobse beya Mahad tehsil, Raigad Taliye bosti para 44 bodies othaishe, etu oper te 47 manuh khan etu districts te napaikena ase, koikena data para 12:19 pm samai Twitter te janaishe. Forces khan para 34 teams bonaikena relief aro rescue operations toh etu jaga beya Taliye, Raigad, Porase, Ratnagiri aro Mirgaon, Ambeghar aro Dhokawale, Satara district te pongchikena kam kori ase koikena data para janaishe. State government laga figures hesab te Saturday din dak te orrential paani para Maharashtra’s Pune aro Konkan divisions te landslides hoikena manuh mora toh 112 ase aro etu oper te Raigad district ekla te 52 manuh morishe koishe. 1,35,313 manuh neshina khan ke dosura jaga bhal te loikena jaikena ase aro etu oper te western Maharashtra’s Sangli district te 78,111 neshina ase aro Kolhapur district para 40,882 manuh othaikena ase koishe. Sangli te Krishna river aro Kolhapur te Panchganga river te flood hoikena te thaka toh Saturday te komti hoishe koikena khobor para janaishe.