Maharashtra mota terrorism te book likha manu ke dhurishey airline khans ke hoax threat dia nimite

Maharashtra, 3 November 2024: Poice khan Jagdish Uikey, 35 saal writer ke dhurishey Maharashtra’ Nagpur te, airlines, Prime Minister office aro top government officials khan ke allegedly 100 hoax threat calls aro emails pra phata karne. Uikey toh Gondia laka manu ase aro Nagpur te detained kurishey Delhi pra ponchi kina. Taike 2021 te b enika case karne arrest kurishey. Nagpur Police DCP Lohit Matani pra kwa toh, Uikey toh terrorism laka opor te book likhe, Amazon te pai. Police khan taila mobile phone aro laptop seize kurishey, etu khan allegedly chulai thakishey dhamki message khan dibo leh. Police khan suspect kuri ase ki Uikey laka motivation toh hosa laka terrorism karn nahoi na publicity stunt nimite ase attention khan paboleh. January pra shuru hoina, Uikey allegedly bishi email photai shey ki bombs khan lagi kina ase bishi jaka te, blast hubo leh ase koi kina. October 25 aro October 30 laka bitor te he tai 30 jaka pura India te dhamki dishey explosion laka. Taila email khan major political leaders aro government officials Union Railways Minister Ashwini Vaishnaw aro Mahrashtra Deputy Chief Minister Devendra Fadnavis  nishina khan ke threats dishey. Nagpur police khan Uikey ke tai laka IP address pra track kurishey, taila email terror hamla hint kurishey aro officials khan lokot meeting demand kurishey security threats laka critical informations share kuribo nimite. Echa Uikey Nagpur cyber police khan laka custody te ase, tadeh tai story khan change kuri ase.