Mumbai: Police koishe ke Thursday voting kuri thaka samay te Naxals khan para Maharashtra laga Gadchroli district laga polling booth te IED visphot (blast) kurishe.
Police koishe ke IED (improvised explosive device) toh Waghezari jaga te 10.30am genika te visphot (blast) toh hoishe. Etu toh polling booth para 150 meters genika te hoishe. Visphot (blast) toh manu khan Lok Sabha election nimite vote dibole line te khara kura jaga para olop he dur te hoishe. Police khan koishe ke etu visphot (blast) nimite manu khan eku duk pa nai koishe.
Wednesday din te Naxals khan para district laga Etapalli tehsil laga Gatta Jambia bosti osor te IED toh phutaishe. Etu samay te polling party khan toh polling stations fini jai thakishe. Tai khan toh police party aro CRPF personnel khan laga suraksha nichete jai thakishe.
Etu ghatna huwa samay te ekta CRPF jawan jokom hoishe. Official koishe ke Naxals khan toh poll laga kaam toh dikdar dibole kosis kuri thakishe. Aro etu ghatna nimite bosti te thaka manu khan toh bishi bhoi hoishe.
Add Comment