December 12, 2025, 05:28 PM: Itu Dr. T. Ao Junior Girls National Football Championship 2025 – 26 (Tier 2) toh hoiley ekta grand closing ceremony logotey khotom hoisheg, 11th December, 2025 tey, itu Chumoukedima Football Stadium, Police Complex tey, tatey Youth Resources & Sports nimitey Advisor – S. Keoshu Yimchunger toh hoiley tatey Chief Guest hisap buhishey.
Yimchunger para tatey jama kuria manu khan ke address kuri kena, tai para tai laga deep appreciation express kurishey, itu remarkable coordination aru commitment appreciate kurishey, coach khan, referee khan, volunteer khan, medical staff khan para display kuria laga aru sob manu khan toh hoiley itu championship laga conduct toh smoot para jaboley ensure kurishey tai khan kebhi appreciate kurishey.
Changki Village Council laga Chairman – Tsupongtsungba para tai laga official appreciation note tey tai laga deep appreciation express kurishey, Nagaland Football Association laga President – Neibu Sekhose ke aru tai laga team ke, tai khan laga persistent effort khan nimitey, successful para pursue kuria aru itu Junior Girls’ National Football Championship laga rename kuria toh secure kuria nimitey, itu “Dr. Talimeren Ao Junior Girls” National Football Champions” naam di kena.
Add Comment