Maharashtra te 9,974 notun cases, 143 mora khobor

Mumbai: Sunday din Maharashtra te 9,974 coronavirus cases khobor paishe, etu melaikena state te bemari cases toh 60,36,821 hoishe aro bemari para notun 143 mora melaikena 1,21,286  te othishe. Melaikena bemar manuh 8,562 bhal hoikena discharged hoishe, itya dak bemar bhal howa toh 57,90,113 ase aro active cases toh 1,22,252 te ase. Mumbai te 739 notun COVID-19 cases recorded hoishe aro etu melaikena 7,20,349 cases pithor te 13 bemari manuh morishe aro 650 manuh bemar bhal hoishe. City te sobse notun manuh mora melaikena 15,396  hoishe aro bemar bhal howa toh 6,94,082 ase. 2,10,866 notun tests loishe aro Maharashtra te samples tested loikena thaka toh itya dak te to 4,10,42,198 hoishe, koikena department para janaishe. Maharashtra te COVID-19 cases recovery rate toh 95.91 per cent hoishe aro manuh mora rate toh 2.0 per cent te ase. Itya dak , 6,19,168 manuh ghor te quarantine bohi ase aro 4,240 neshina institutional quarantine te ase koishe.