Maharashtra te Delta Plus Variant para 1st mora khobor

Mumbai: Friday din Maharashtra te COVID-19 variant “Delta Plus” para buri maiki ek jun mora 1^st khobor paishe, etu manuh toh Ratnagiri civil hospital te morishe, koikena senior officials para janaishe. Etu buri maiki toh Sangameswar jaga te boha manuh ase aro tai toh hospital te admitted hoikena thakishe, Mumbai para 330 kilometres neshina jaikena ase, etu khobor toh Ratnagiri district official Sanjay Shinde para  PTI logot janai thishe. Tai para aro koishe ke, etu maiki mora toh dosura bemari be thakishe naa nai itya khobor loi ase. Mr Shinde para koishe, district officials logot hoshari thakiboli neum aro manuh khan ke sensitaize koriboli aro COVID-19 neum jaboli nemite janaishe. India te itya dak 45,000 samples tested kora te 48 coronavirus cases “Delta Plus” variant khobor paikena ase. Maharashtra te etu laga cases toh sobse besi 20 cases ase, koikena Friday din Centre para janaishe. Government laga khobor hesab te, Delta Plus variant toh increased transmissibility, lungs te joldi bemar toh thuri aro monoclonal antibody response komti kori dey koishe.