Mumbai: Tuesday din India Meteorological Centre (IMD) para 5 Maharashtra districts aro Raigad and Pune te red alert thikena tui(2) din neshina paani besi keriboli janaishe. Wednesday aro Friday din dak te orange alert janaishe aro paani besi tangor keriboli koishe. IMD’s Mumbai centre para koishe ke, konuba jaga “5 district- Pune, Raigad, Ratnagiri, Kolhapur aro Satara neshina jaga te paani tangor keriboli koishe. Red alert toh etu districts te Wednesday aro Thursday din paani keriboli janaishe. Paani besi manuh kowa toh 24 gonda pithor 204.5 mm oper paani keribo, koikena office para janaishe. IMD para koishe ke, ketai 51 to 75 per cent hobo paani toh keribo neshina ase koishe. Red rain alert deya te authorities khan para hoshari kam korikena manuh khan paani osor te bohi thaka toh othaikena dosura jaga te rakiboli koishe aro rescue teams logot be tayaar thakiboli janaishe. Wednesday aro Friday din te IMD’s orange alert toh Mumbai te 115.6 mm para 204.4 mm) te besi tangor ahiboli koishe aro konuba metropolis te be janaishe. Marathwada aro Vidarbha jaga te Friday din dak te paani komti keribo koishe.
Maharashtra te IMD para 5 district te ‘orange’ alert janaishe
Add Comment