Maharashtra te notun 9,361 cases, 190 morishe

June 21, 2021. Maharashtra te 9,361 coronavirus cases thurishe koikena khobor para janaishe, etu notun cases melaikena itya state te 59,72,781 bemari cases ase aro 190 notun manuh mora te melaikena 1,17,961  hoikena ase. Etu samai 9,101  bemar manuh khan bhal hoikena hospitals para discharge korishe, bemar bhal howa laga number toh  57,19,457 ase. Etu oper te active cases toh 1,32,241 te ase koishe. Mumbai te 747 notun COVID-19 cases khobor paishe, etu melaikena 7,20,013 cases ase, etu samai 19 manuh bemar para morishe aro 650 manuh bemar bhal hoishe. Sobse notun manuh mora khobor te city 15,298 morikena ase aro bemar para bhal howa toh 6,88,990 te ase. 2,01,938 notun test lowa te, itya dak Maharashtra te samples tested toh 3,95,14,858 loikena thaka ase, koikena department para janaishe. Maharashtra te COVID-19 recovery rate toh 95.76 per cent te ase, etu samai manuh mora rate toh 1.97 per cent hoishe. Itya dak 7,96,297 manuh home quarantine te bohi ase aro 4,683 manuh khan institutional quarantine te ase koishe.