Headlines • National

Maharashtra: Uddhav Thackeray-led govt para trust vote jetishe

November 30, 2019
53 Views

Mumbai, 30 November: Saturday din Maharashtra deh Uddhav Thackeray-led Maha Vikas Aghadi para floor test jetishe. Etu toh tai laga favour deh 169 MLAs para vote deya bechide ase.

Floor test agae deh Opposition laga former chief minister Devendra Fadnavis toh Nationalist Congress Party’s Dilip Walse Patil ke temporary speaker nemide juna ke kelaaf korikena pahar olaija thakise.

Fadnavis koise, “Etu session toh unconstitutional aro illegal ase. Pro-tem Speaker juna toh unconstitutional ase”.

Patil toh pro-tem speaker nemide BJP’s Kalidas Kolambkar jaga deh loise aro permanent speaker toh Sunday din junibole ase.

Opposition para session opor deh question kora thakise aro etu toh rules laga violation ase koise.

Session nemide Congress’s Ashok Chavan para trust vote plan korise.

Hoilebe Opposition khan slogans raise kori thakise. Etu time deh Pro-tem speaker para sob MLAs ke headcourt vote nemide bohoibole janaideya thakise.

House para Opposition members olaija bechide be trust vote toh agae jai thakise.

Din deh assembly session suru howah saat-saat BJP members para slogans ‘Jai Shree Ram’ arp ‘Har Har Mahadev’ raise kora thakise. Pro-tem speaker Dilip Walse Patil para house deh thek order para thakibole aro former Chief Minister Devendra Fadnavis para kotha kuribole debe kowah thakise.

House laga floor deh kotha kowah time deh Fadnavis para assembly laga jai thaga session toh rules ke kelaaf kora laga ase koise.

Tai koise, Assembly toh Vande Matram para suru kora aro National anthem para kothom korae. Hoilebe etu session Vande Mataram para suru kora nai. Etu he rules ke violate kora laga ase. Tai koise, tai khan ke session opor deh deri hoikena khobor janaishe.

Pro tem Speaker Walse Patil para Fadnavis laga kotha opor deh koise, etu toh Governor laga permission nemide ase aro etu toh rule ke kelaaf kora nahoi.

Tai koise, “Jowah rati Governor para etu session nemide agiya deshe. Etu session toh rule aro legal hisaab deh ase”.

Thursay deh Uddhav Thackeray toh 18th chief minister nemide wada kora thakise. Tin din agae deh Devendra Fadnavis aro Ajit Pawar toh chief minister aro deputy chief minister para step namija thakise. Etu toh hoile Supreme Court-ordered floor test deh tai khan para lakiya majority anibole napara nemide ase.