Mumbai, 9 August : Indian animated epic Mahavatar Narsimha 25 July te release hoi kene box office te dangor success cholai thaka ase. Filmmaker laga hisab te, 15 din te itu film, jun Lord Narsimha laga mythology uporot base kori kene banai se, worldwide te ₹150 crore earn korise. Itu India te animated film laga record todi dise, Hanuman aru Spider-Man: Across the Spider-Verse ke parai, aru hoise India laga highest-grossing animated film.
Mahavatar Narsimha release paise audience aru critic dujon laga bhal review. Duita hafta successful run pichete bhi, Friday te Hindi te ₹4.7 crore collection register korise, aru Hindi net total ₹84.44 crore ahise. Weekend te partial holiday thaka karone, film to aru bhi bhal paisa earn korise.
Producer Kleem Productions aru presenter Hombale Films laga target hoise India te ₹150 crore aru worldwide te ₹200 crore reach koribo.
Film to direct korise Ashwin Kumar, produce korise Shilpaa Dhawan, Kushal Desai aru Chaitanya Desai, Kleem Productions banner te, aru Hombale Films present korise. Itu 3D aru 2D te Hindi aru South Indian language te release korise. Itu Spider-Man: Across the Spider-Verse (2023), Incredibles 2 (2018) aru Hanuman (2005) ke parai kene India laga highest-grossing animated film banise.
Duita production house laga upcoming animated film lineup te thake Indian mythology laga Gods uporot based stories — Lord Vishnu: Mahavatar Narsimha (2025), Mahavatar Parshuram (2027), Mahavatar Raghunandan (2029), Mahavatar Dhawkadhesh (2031), Mahavatar Gokulananda (2033), Mahavatar Kalki Part 1 (2035), aru Mahavatar Kalki Part 2 (2037).
Add Comment