6 March, 2025 te Dimapur, Kohima, Mokokchung, Tuensang, Wokha aro Mon laga District Consultant,National Health Mission (NUHM), District Community Mobiliser, Block (ASHA) Coordinators, Block Program Manager, Nursing & Midwifery, Data Entry Operator, Vaccinator, aru Community Health Officer laga one day Training of Trainers (ToT) rakhisey. Etu event tu Directorate of Health and Family Welfare, Kohima, Nagaland laga IDSP Hall te hoisiley.
Dr. Akuo Sorhie, Mission director, National Health Mission, Nagaland para training teparticipants khan ke janai dise ki MAS tu community khan te maiki khan laga hosla barabole aro taikhan ke nijor laga community laga health aro bhalayi te directly shamil kuribole laga maksat para form kurisey. MAS laga responsibility ase community health planning te kaam kuribo, trust aru openness create kuribo, jate manu health services pai aru nijor health laga care loibo. training te MAS members ke aims and objectives, health planning, record keeping, funds maintain kuribo, aru monitoring sop sikhai dibo, pichi te nijor-nijor laga district te MAS members khan ke training dibo.
Mahila Arogya Samitis (MAS) hoi ase ekta mahila group, juntu 8-12 local mahila(maiki) khan milikina banai, aru etiya 100 household majot ekta MAS thakibo. Itoo group to neighborhoodhealth planning, health-related problem khan luwa, aru local services monitor kuribo karone bonai disey.
Urban Primary Health Unit to etiya tak State te panchta District te pura set up hoi jaise, aru Mon District kaam choli ase. Baki district khan to ahi thaka saal khan te step-by-step implement kuribo.
Add Comment