New Delhi, April 11 : Box office laga first din te ola reports para, Ajay Devgn laga film ‘Maidaan’ laga Akshay Kumar aro Tiger Shroff laga action-packed entertainer ‘Bade Miyan Chote Miyan’ logotey tough competition thaka dikhaisey.
Eid holiday thaka laga bawajut, box office te etu film laga suruwat tu box office te sluggish(astey) hoisey aro opening din te Rs 2.72 crore poisa kamaisey.
Indian football legend Syed Abdul Rahim laga jibon dikhaikina ‘Maidaan’ film tu Wednesday din te paid reviews para Rs 2.6 crore kamaisey. Etu para taikhan laga total domestic collection ke Rs 5.32 crore kuridisey. Hoilebi etu figure tu bodli hobole pariya laga asey.
Et ekey din te release huwa film ‘Bade Miyan Chote Miyan’ laga khilaf te compete kurikina, ‘Maidaan’ film para taikhan laga rival ke match kuribole dukh paisey. Akshay Kumar aro Tiger Shroff laga action film ‘Bade Miyan Chote Miyan’ tu first din te Rs 10.54 crore poisa kamaisey. Etu opor te, Maidaan laga opening day collection tu Ajay Devgn laga agey te release huwa film ‘Shaitaan’ para komti hoisey kuntu tu opening day te Rs 14.75 crore poisa kamaisey.
Box office te enaka perform kora laga bawajut ‘Maidaan’ tu critics aro audience duita para bi tariff paisey. Dangor writer Javed Akhtar para etu film te Ajay Devgn para portray kora role ke tariff kurikina etu tu social media te ekta “sabole lagiya” film asey koikina describe kurisey.
Add Comment