Mumbai, March 07 : Ajay Devgan laga bisi lamba homoi para rukhi thaka sports drama tu akhirkar release hobole asey. Amit R Sharma para direct kora etu film tu ekta football coach laga asey kun India laga kamjor football team ke game laga golden era te loijabole mon banailoisey.
Etu film laga trailer te Ajay Devgan laga character ke India tu kinaka rich asey hoilebi football laga duniya te world map te nai etu dikhai. Etu picheyte, tai para ekta team banabole faisla kuri loisey, kuntu te slum area aro train para jawan manu khan asey aro taikhan ke duniya te dangor banabole nimitey train kuri asey.
Etu film tu Chak De! India aro Gold nisna sports film logotey ekey asey, kotey Shah Rukh Khan aro Akshay Kumar para hockey coach laga role kurisey. Ajay Devgan para etu trailer khotom huwa homoitey tailaga team laga locker room te ekta 70-minute laga speech bi disey.
Etu film ke Amit Ravindernath Sharma para direct kurisey aro Boney Kapoor aro Zee Studios para milikina produce kurisey. Maidaan film tu Indian football laga golden years ke dedicate kora laga asey.
Add Comment