Kerala, 6 February 2025: Kerala te maiki keta 40-foot guha te nami shey taila mota ke bacha boleh tai galti pra tadeh gira pichideh. Incident toh Wednesday din afternoon te hoishey kicha Ramesan, 63 saal retired police officer, Ilanjikkavi, Piravom municipality te thaka, guha te giri jaishey. Sources khan laka hisap pra, Ramesan guha te gusi jaishey taila compound te pepper chingna time te osor te. Ghas laka branch toh bangishey aro etu karne tai giri jaishey. Guha toh 40 feet deep thaki shey aro five feet nishina pani thaki shey nichi te.
Taila maiki, Padmam, accident toh dikhi shey aro phat bacha boleh jaishey, Tai first plastic roshi phikai shey taike hutibo dibo leh, hoileh b kaniya hwa nimite, taila maiki buji jaishey tai nijor ke tani naparibo. Tai ghor manu khan ke janai dishey aro fire brigade te matibo leh koishey. Aro eku hisap natha kina, tai nijor nichi jaishey tai nadupibo nimite. First, Padmam rope pra namibo koshis kuri shey hoileh grip hari jaishey, giri jaishey guha laka fourth ring te land nahwa tak. Taila mota ke nadikhi kina, tai ekdum himat pra pani te jump mari shey. Taila mota ke khara kurina rakhibo parisey aro eki lokot wall te lean kuri kina madat karne rukhi thaki shey.
Piravom Nilayam pra fire brigade personnel joldi ahi jaishey aro duijun ke b bachai dishey roshi aro nets khan chulai kina. Taikhan ke hospital te loi jaishey minor jokom lokot. Padmam laka bravery toh social media te widely spread hoishey aro bishi manu taila quick thinking aro bhui nathaka response toh kushi paishey.
Add Comment