NATIONAL | August 8, 2019 (IANS): Uttar Pradesh laga maiki naakh toh katidishe etu bi tai laga mota laga ama baba khan tai namana nimete triple talaq laga case withdraw nakuribo koikena .
police official koishe ki Etu maiki laga mota para tai ke triple talaq dishe phone te etu pichede etu maiki laga ama para tai laga khilaaf case file kurishe.
Official koishe ki”Etu mota aro maiki laga ghor manu khan ke matishe kosish kura pichede .Hoilebi etu chamela khotom kuribole napara nimete ami khan para ekta case file kurishe triple talaq act laga alag alag sections bithor te.”
Hoilebi etu maiki laga mota laga ama baba koishe ki tai logote dhar hathyaar thakishe kun tu toh tai chulaishe tai laga naakh katibole nimete . Maiki laga mota laga bhai koishe ki”Tai etu uporte mui ke pathor para marishe .”
Maiki laga ama Sharifun Nisha koishe ki tai laga maiki bacha ke tai laga mota laga ama baba para marishe.
Tai koishe ki”Mui police station te jaikena ekta triple talaq complaint kurishe mui laga maiki bacha nimete .Tai laga mota laga ama baba para mui laga bacha ke dhamki dishe tai case withdraw nakura nimete aro tai khan para tai ke marishe.”
Parliament para akhe te Muslim Women (Protection of Rights on Marriage) Bill, 2019 passed kurishe tripal talaq toh crime ase .
Add Comment