Madhya Pradesh, January 25,2024: Ekta maiki Madhya Pradesh para tai laka mota lokot divorce mangishae sathi kurikina paanch mohina biche dhe koot tai laka mota tai ki Goa dhe honeymoon kurne jaboli promise kurishae huilibhi tai para tai ki Ayodhya aru Varanasi dhe loi jaishae. Free Press Journal laka report laka esab dhe etu case dho Bhopal laka family court dhe January 19 dhe bunchishae koto maiki mota dho tai kan laka trip apra ahikina 10din biche dhe.
Tai laka divorce petition dhe koot maiki para koishae ki tai laka mota dho IT sector dhe kam kuri ase salary bhi bhal pai . Tai bhi ekta working maiki ase aru bhal poisa kamai koto mane tai kan honeymoon kurne abroad jaboli laka dho eko dangor kotha nahoi tai kan kurne.
Eku poisa laka problem nai koina bhi koto maiki laka mota para tai ki abroad dhe loikina jaboli mana kurishae aru India bitor dhe hai jaka saboli koishae. Mota para koishae ki tai laka ama aru papa ki bhi saboli laki dho etu kurne koto mota maiki dho Goa nahoili South India laka jaka bhani jaboli agree kurishae tai kan laka honeymoon kurne.
Hoilibhi koto mota para Ayodhya aru Varanasi kurne flight book kurishae tai laka maiki ki nakoina. Tai koto maiki ki etu travel plan laka changes dho tai kan laka trip laka ek din ake dhe koishae aru koishae ki tai kan Ayodhya jaboli ase koto tai laka ama koot city ki visit kuribo mun jai Ram Mandir laka inauguration ceremony ake dhe.
Tai para trip kurne eku object kura nai koto time dhe aru taijun plan lokot jaishae eku chakra nakurikina. Hoilibhi tai kan koto jaka kan saikina ahishae koto maiki para family court dhe jaikina divorce kurne mangishae tai laka mota para. Tai laka statement dhe tai koishae ki tai laka mota para tai laka family members laka bishi wala care kuri aru tai laka nakori koishae. Koto etu time dhe tai laka mota apra koishae ki tai laka mota dho mesa mishi kotha koi ase koishae.
Mota aru maiki dho etiya currently Bhopal Family Court dhe counselling loi ase.
Add Comment