Main Hoon Na action director Allan Amin para koisey tai Shah Rukh Khan ke cable te lagaisey, taikey helicopter te latkaisey

New Delhi, May 30 : 20 years ageyte, action director Allan Amin para ‘Main Hoon Na’ film te mon duk-duk kuridiya, suku bahar olaidiya laga stunt dikhaikina Indian action cinema te ekta nutun era launchkurisey. . Etu 2004 te release huwa film te Shah Rukh Khan asey aro etu ke Farah Khan para direct kurisiley. Etu film laga action aro etu logotey jokes, romance aro eman bhal gana ke manu khan 20 years picheyte bi khusi pai. Allan, kun etu film te nutun aro mazadar fight scene nimitey zimidar asey, tai para olop din ageyte Shah Rukh Khan ke direct kora laga firsthand experience share kurisey. Tai para Shah Rukh Khan laga mon ke duk-duk kuridiya helicopter-swinging, rickshaw chola, bomb para bacha laga scene ban ate pohor dhalisey. Allan, kun para Dhoom, Dus, Dhoom 2 laga action sequence te kaam kurisey tai para etu ageyte Shah Rukh logotey Phir Bhi Dil Hai Hindustani aro Dil Se(1998) te milikina kaam kurisey. Tai para Bollywood Hungama logotey ekta interview kora te reveal kurisey ki tai para Bollywood te action scene shooting kora homoitey cable introduce kurisey. Aro koisey ki tai para cable tu sobsey first Hrithik Roshan laga Mission Kashmir te cholaisey. Shah Rukh Khan laga ‘Main Hoon Na’ te poila te kitya bi nidikha cutting edge fight sequence laga kotha kurikina, Allan para yaad kurikina koisey, “Tai tu hodai taikey ki lagey etu ke loikina sure thakisey. Etu picheyte tai para etu stunt ke aro bisi simple aro kuribole pariya nisna banaidisey. Main Hoon Na tu first film thakisey kotey amikhan deep freeze anisey…etu tu ekta 180 degree camerawork thakisey Etu ke cycle rickshaw scene te cholaisey.”