New Delhi. July 31, 2020. South Indian film actor Anil Murali, Thursday din Kochi hospital te morishe. 56 umer actor para first movie tuh Malayalam film “Kanyakumariyil Oru Kavitha” 1993 saal te kurishe aro etu beche 200 oper films bonaishe. Tai tuh jaa hafta dak be liver bemar para bhal thakishe koikena film industry laga source para koishe. Actor tuh Thiruvananthapuram para ase aro tai elach be loi thakishe. Jaa hafta tai ke hospital bhal wala te loikena jaishe. Hoilebi tai laga condition tuh beya hoikena morishe. Tai mora samay, tai laga bacha aro film industry members khan thakishe. Friday din state capital te tai be ropabo. Tai mora oper te, Chief Minister Pinarayi Vijayan para koishe ke, Murali tuh villain neshina act kuri aro tai tai laga character role tuh silver screen te olai. Actor Rajesh Hebbar para be leki thishe ke, ,” Good-Bye Anil Murali…besi bhal actor…..bhal sati, aro etu oper te manuh besi bhal thakishe..ami tai logot melaikena kam kura tuh hotai yaat thakibo….Jaa samay moi tui jun kam kurithakishe, aro moi jun dada/bhai neshina olai….Goodbye brother..Tui tuh hoita silver screen te jenta thakibo…..” Kerala laga BJP chief K. Surendran para koishe ke. tai laga roles tuh memory te thakibo aro tai morijaa tuh Industry nemite sesi tangor nokson ase koishe.
Add Comment