Malayalam Actor Captain Raju murishe

KOCHI: Monday te porana kerala actor  , Captain Raju, murishe  tai laga Kochi ghor te.Tai laga ghor manu pora koikena janaishe .Tai 68 sal thakishe .Kochi pora US te bera time te July moina te tai laga mota bacha laga shaadi te jaa time te etu actor toh stroke paishe aro etu nimete tai ke Muscat laga hospital te rakhikena thakishe .Tai ke ek haafta treatment dikena .Tai ke July2 te Kochi te loijaishe air pora. Pathanamthitta district, pora ase etu actor toh aro tai Indian army pora olaijaishe etu te tai toh captain thakishe .Aro 1981 te tai laga acting carrear shuru kurishe.Tai toh bishibak gunda laga role kuri thakeh aro TV serials khan te bi character kuri thaka ase.Tai ke akhri bar dikha toh Malayalam film “Masterpiece” te thakishe .Etu actor toh komti hoilebi 500 Malayalam film aro Tamil, Telugu, Kannada, aro Hindi films khan te bi kaam kurishe .Acting hi nohoikena tai pora duita film  Mr Pavanayi 99.99″ and “Itha Oru Snehagatha” direct kurishe .