November 1, 2023: Wednesday din deh Malayalam actor Dr. Pirya ekta cardiac arrest pah piche deh muri jai shae ekta private hospital deh. NDTV laka isap deh, tai tho eight months pregnant taki shae. Taila bacha tho intensive care deh ase itia. Priya hotai regular pregnancy check-up kuri taki shae aji khali.
Report laka isap deh, actor Kishor Satya para kobor tho Instagram deh share kuri shae, “Malayalam television sectore deh aro keta unexpected death hui shae. Dr Prita khali cardiac arrest para muri jai shae. Tai tho 8 months pregnant taki shae. Bacha tho ICU deh ase. Alak health issues kan eku taka nai,” tai para etu liki shae.
Priya tho ekta popular Malayalam television actress taki shae. Tai tho taila Karuthamuthu deh role karne jani taki shae manu kan. Priya tai sathi kura piche deh acting para break lui lui shae, Report laka isap deh tai taila MD kuri taki shae aro Thiruvananthapuram laka PRS hospital deh kam kuri taki shae.
Add Comment