Kerela, 1 April : Ranjith Balakrishnan ke alleged sexual assault charges karone arrest korisw, kuntu ekta actress complaint file koria pichete hoise. Tai ke 14 din karone judicial custody te pathai dise, aru Ernakulam Sub Jail te wapas loi jaise.
Police hisab te, Tuesday evening te Ranjith Balakrishnan ke custody te loi jaise Idukki pora, attempted sexual assault case logot link thakia karone. Actress, kun tai laga latest film te kam kori ase, allegation dise ki shooting time te tai ke caravan te invite korina assault koribo try korise.
Complaint hisab te, case register korise kunba sections under—sexual assault, outraging modesty, wrongful confinement, aru obscene gestures. Case tu Kochi City Police register korise Monday din te, actress laga statement Women’s Police Station te record koria pichete.
Wednesday din, Ranjith Balakrishnan ke magistrate samne produce korise, aru 14 din laga judicial custody te pathai dise. Tai laga lawyer etiya bail plea file koribo karone tayari kori ase.
Itu first time nohoi ki Ranjith Balakrishnan upor te etiya allegation uthise. 2024 te, tai Kerala Chalachitra Academy chairman post pora resign kori dise, ek Bengali actress harassment claim koria pichete. Tai allegations deny korise, aru Kerala High Court agey te anticipatory bail plea dismiss kori dise.
2024 te aru ekjon manuh bhi sexual assault allegation dise, kintu 2025 te Karnataka High Court case quash kori dise.
Add Comment