THIRUVANANTHAPURAM, SEPTEMBER 4 : Malayalam Superstar Mohanlal toh Prime Minister Narendra Modi ke Monday din lok kurise. Aro etu lok kura laga ki-ki khobor kan Facebook te janaide thakise. Aro etu hisabte tai toh ahebole laga 2019 National Election (General Election) te BJP Party laga Candidate naam pora manabole ase koise. Etubi Kerala state te.
Etu Superstar Mohanlal toh 58 sal dangor ase. Aro tai PM Modi ke lok kura kan Facebook te khobor janaide thakise. Aro tai lok kura toh Janmastami din te lok kurise. Etu time te tai tai pora ula Vishwa Santhi Foundation aro etu Foundation laga ki-ki kam nemite PM Modi ke kotha kurise aro janaide thakise koise.
Etu time te PM Modi pora juwab te ki-ki motub kan sob kuridebo koi kena janaise koise. Etu oporte Global Malayalee Round Table te bi ahe kena kotha kuribo. Aro etu pora ahebole din nemite ekta Notun Kerala koi kena ahkete luijabole karne kotha mana kuridebo koi kena janaise koise.
Etu lok kura toh ahke wala nahui. Huilebi jua sal bi Central Sorkar laga “Swachhata Hi Seva” din nemite PM Modi pora tai ke matise. Aro etu time te bi lok kurikena Modi ke bhal te kotha manai kena thakise koise.
Add Comment